Sportfm.az xəbər verir ki, Olimpiya çempionu Toğrul Əsgərov sözügedən yarışda iştirak etməyəcək. Buna səbəb isə güləşçinin fiziki hazırlığının yerində olmamasıdır. Əsgərov bu səbəbdən millinin heyətindən kənarlaşdırılıb. Toğrul Əsgərov yığmanın heyətində yer almamasıilə bağlı "Qafqazinfo"ya açıqlamasında bildirib: "Hələ ki, tam formada deyiləm. Ona görə də Avropa oyunlarına gedə bilmirəm".

O qeyd edib ki, hədəfi dünya çempionu olmaqdır: "İstəyirəm ki, ilk olaraq turnirlərdə xalça üzərinə çıxım. Hədəfim dünya çempionatıdır. Tam fiziki hazırlığı bərpa edib orada yaxşı çıxış etmək və Olimpiya oyunlarına vəsiqə qazanmaq istəyirəm”. 

26 yaşlı idmançı zədəsindən də danışıb: "Zədəmi sağaltmışam. Yəni heç bir problem yoxdur. İstəyim və arzum var ki, Olimpiya Oyunlarında uğur qazanım”.

Minsk-2019-da Toğrulu Hacımurad Hacıyev (74 kq), Cəbrayılı isə Aleksandr Qostiyev (87 kq) əvəz edəcək.