İtaliyanın "Roma" komandasının sabiq futbolçusu Françesko Totti klubu tərk edib.

Sportfm.az xəbər verir ki, paytaxt təmsilçisində direktor vəzifəsində çalışan sabiq hücumçu qərarını keçirdiyi mətbuat konfransında açıqlayıb. 

Totti bildirib ki, bu qərarı vermək asan olmayıb: "Mən istefa məktubu yazdım. Hazırkı vəziyyəti nəzərə alsaq, hesab edirəm ki, düzgün qərardır. Lakin mənim üçün çox çətin oldu. Belə qərar vermək mənim günahım deyil. "Roma"nı sevmək və dəstəkləmək lazımdır. Prezidentlər, direktorlar dəyişir, klubun rəngləri eyni qalır. Burada birlik olmalıdır".

Təcrübəli oyunçu klubda ona funksioner kimi özünü sübut etmək imkanının verilmədiyini söyləyib: "Əsas qərarlar mənsiz qəbul edilirdi. "Roma"nın bütün azarkeşlərinə minnətdaram və əlbəttə ki, komandanı dəstəkləyəcəyəm. Klubun hazırkı vəziyyətinə görə üzüldüm. Klubun prezidenti dəyişsə, qayıtmağa hazıram". 

Qeyd edək ki, Françesko Totti "Roma"da 1989-cu ildə gənclər komandasında debüt edib. O, 1992-ci ildə əsas heyətdə ilk matçını keçirib. Totti bütün peşəkar karyerasını (1992 - 2017) paytaxt təmsilçisinə həsr edib. 

Oxşar xəbərlər

Françesko Totti idman agenti oldu - RƏSMİ

Françesko Totti koronavirusa yoluxdu - Özünü yaxşı hiss edir

Totti menecer olacaq - "Gənc futbolçuları izləyirəm"

"Qarabağ" hörmət ediləsi rəqibdir" - Françesko Totti

Françesko Totti - bir kluba həsr olunan karyera