Almaniya millisinin baş məşqçisi Yoahim Löv bundesliqa klublarnda işləməyi düşünmür. Qol.az-ın Almaniya mətbuatına istinadən yaydığı xəbərə görə, bu barədə 56 yaşlı mütəxəssisin özü məlumat verib. O bildirib ki, bundesliqa klublarının rəhbərliklərinin baş məşqçilərlə münasibətinə görə bu qərara gəlib: "Bundesliqa klublarında tez-tez baş məşqçi dəyişikliyi olur. Bu isə mənim xoşuma gəlmir.  Düzdür, klub rəhbərliyi məşqçini dəyişmək hüququna malikdir. Ancaq bu, zamanı gələndə edilməlidir. Məşqçilər çətin vəziyyətə düşürlər və təzyiq altında olurlar".