Bakı 2020-ci ildə aerobika gimnastikası üzrə dünya çempionatına ev sahibliyi edəcək.

Sportfm.az xəbər verir ki, qərar Beynəlxalq Gimnastika Federasiyasının (FIG) İcraiyyə Komitəsinin Sankt-Peterburqda keçirilmiş növbəti iclasında qəbul olunub. Tədbirdə bu qurumun üzvü, Avropa Gimnastika İttifaqının prezidenti Fərid Qayıbov da iştirak edib.

Bu idman növünün ölkəmizdə populyarlaşmasında mühüm rol oynayacaq çempionat gələn il mayın 14-16-da keçiriləcək. Çempionatdan əvvəl mayın 8-10-da Dünya Yaş Qrupu Yarışları da paytaxtımızda baş tutacaq.

Xatırladaq ki, beynəlxalq yarışlarla zəngin təqvim planında 2019-cu il sentyabrın 16-22-də Bakıda, Milli Gimnastika Arenasında keçiriləcək bədii gimnastika üzrə dünya çempionatı da yer alır. Paytaxtımızda baş tutacaq daha bir dünya birinciliyi isə 2021-ci il noyabrın 11-14-də batut gimnastikası üzrə olacaq.

Oxşar xəbərlər

Bakı dünya çempionatına ev sahibliyi edəcək - ilk dəfə

Bakıda hansı yarışlar keçiriləcək?

Bakıda keçiriləcək Avropa çempionatlarının vaxtı dəyişdirildi

İki Avropa çempionatı Azərbaycanda

Bakıda Dünya Kuboku