“Qarabağ” Azərbaycan Premyer Liqasının 27-ci turunda evdə “Səbail”i məğlub edib, çempionluğu vaxtından əvvəl rəsmiləşdirsə belə, həmin oyundan sonra Ağdam klubuna kubok təqdim olunmayacaq. 

Sportfm.az xəbər verir ki, bunu qol.az-a açıqlamasında Peşəkar Futbol Liqasının Mətbuat və İctimaiyyətlə Əlaqələr Departamentinin rəhbəri Aslan Şahgəldiyev deyib. O bildirib ki, PFL bu dəfə də ənənəyə sadiq qalacaq:

“Belə deyək, kubok çempionun arxasınca gəzməyəcək. Bəlkə heç bu tur çempionluq rəsmiləşməyəcək. Ona görə də kubok son turda – “Neftçi” – “Qarabağ” matçından sonra medallarla birlikdə təqdim olunacaq".

Qeyd edək ki, "Qarabağ" bu tur "Səbail"ə qalib gəlsə, "Qəbələ" - "Neftçi" oyununun nəticəsindən asılı olmayaraq, Premyer Liqanın qızıl medallarını təmin edəcək.

Oxşar xəbərlər

Yeni mövsümün püşkü atıldı - Azərbaycan Premyer Liqasında

Azərbaycan Premyer Liqasının təqvimi açıqlandı - SİYAHI

Premyer Liqanın II turu rəqəmlərin gözü ilə

"Qarabağ" ardıcıl 6-cı dəfə Azərbaycan çempionu oldu, "Səbail" avrokuboklarda!

"Səbail" çempionluq kubokuna qovuşdu - FOTO