Azərbaycan milli komandasının və “Qəbələ” İdman Klubunun karateçisi Rafael Ağayev növbəti mükafatını qazanıb. 

Sportfm.az xəbər verir ki, Ağayev İspaniyanın Qvadalaxara şəhərində keçirilən böyüklərin 55-ci Avropa çempionatında fərqlənib. 75 kq çəki dərəcəsində mübarizə aparan karateçi yarışı gümüş medalla başa vurub. 

Finaladək 4 döyüş keçirən Ağayev Yusid Suljiçi (Bosniya və Herseqovina) 3:0, Bekim Başanı (Albaniya) 3:1, Elhami Şabanini (Kosovo) 3:0, Stanislav Horunanı (Ukrayna) 5:1 hesabı ilə məğlub edib. Yarımfinalda qaşından yüngül zədə alan idmançı bu gün baş tutan həlledici qarşılaşmada italiyalı Luici Busa ilə görüşüb. 5 qat dünya və 11 qat Avropa çempionu bu dəfə rəqibinə 0:1 hesabı ilə uduzub. 

Bu, Rafaelin qitə çempionatlarında 20-ci medalı olub. Onun hesabında 11 qızıl, 2 gümüş və 7 bürünc medal var.

Oxşar xəbərlər

Rafael Ağayev Ginnesin Rekordlar Kitabına düşdü

Rafael Ağayev ABŞ idmançısı məğlub etdi - FOTO

Rafael Ağayev II Avropa Oyunlarını gümüş medalla başa vurdu

13-cü dəfə Avropa çempionatının finalında

"Brilyant oğlan" bürünclə kifayətlənməli oldu