Makedoniyanın paytaxtı Skopye şəhərində keçirilən şahmat üzrə şəxsi Avropa çempionatı başa çatıb.

Sportfm.az xəbər verir ki, Azərbaycan şahmatçısı Eltac Səfərli 11 turdan 8 xal yığaraq 11-ci pillədə qərarlaşıb. O, bu nəticə ilə Avropa çempionundan cəmi yarım xal geri qalıb.

Avropa çempionu adına 8,5 xalla rusiyalı Vladislav Artemyev layiq görülüb. Onunla eyni xalı toplayan İsveç təmsilçisi Nils Qrandelius ikinci pillədə qərarlaşıb. Polşalı Katsper Piorun isə 8 xalla üçüncü olub.

Çempionatda digər təmsilçilərimiz Rauf Məmmədov, Ülvi Sadıqov hərəyə 6 xal, Məhəmməd Muradlı 5,5 xal, Kənan Qarayev, Abdulla Qədimbəyli hərəyə 5 xal, Cahandar Azadəliyev 4 xal toplayıblar.

Oxşar xəbərlər

Vasif Durarbəyli liderdir - Azərbaycan çempionatı

Rauf Məmmədov 6-cı oldu - Avropa çempionatı

Qadınlar arasında şahmat üzrə Avropa çempionatı başa çatdı - Fətəliyeva yeddincidir

Şahmatçılarımız Avropa çempionatında mübarizə aparır

Avropa çempionatında 7 idmançımızdan yalnız biri...