Türkiyənin Antalya bölgəsində təlim-məşq toplanışında olan "Səbail" komandası bu gün növbəti yoxlama matçına çıxıb.

Sportfm.az xəbər verir ki, Aftandil Hacıyevin baş məşqçi olduğu kollektiv Ukrayna "Desna"sı ilə qarşılaşıb.

Side qəsəbəsindəki "Arslan Zeki Demirci" İdman Kompleksində baş tutmuş qarşılaşma "Səbail"in 2:1 hesablı qələbəsi ilə yekunlaşıb. Qalib komandanın qollarını 39-cu dəqiqədə Orxan Qurbanlı, 70-ci dəqiqədə isə Kevin Kubemba vurub.

Daha əvvəl Macarıstan "Aqvital"ını 3:2 hesabı ilə yenən "Səbail" İsveçrə "Sürix"i ilə heç-heçə edib - 1:1. Çerniqov şəhərini təmsil edən "Desna" Ukrayna Premyer Liqasında 18 turdan sonra 24 xalla 6-cı pillədə qərarlaşıb.

Oxşar xəbərlər

"Neftçi" Antalyada qələbəyə həsrət qaldı

"Səbail" - "Kaysar" oyunu ləğv edildi

"Səbail" Braziliya klubuna qalib gəldi

"Səbail" Macarıstan klubunu məğlub etdi

"Səbail" Macarıstan, Ukrayna və Qazaxıstan komandaları ilə qarşılaşacaq