“Sabah” qış fasiləsində növbəti transferini rəsmiləşdirib. 

Sportfm.az xəbər verir ki, "Qəbələ"dən ayrılan Təmkin Xəlilzadə "Sabah"da çıxış edəcək. 25 yaşlı futbolçu ilə 2 illik müqavilə bağlanıb. O, yeni klubunda 17 nömrəli forma geyinəcək. 

Karyerası ərzində “Qarabağ”, “Şüvəlan”, “Zirə”də çıxış edən yarımmüdafiəçinin son klubu “Qəbələ” olub. 

Təmkin əsas millimizdə 10 oyun keçirib, 1 qola imza atıb. 

Xatırladaq ki, Xəlilzadə “Sabah”ın qış fasiləsində həyata keçirdiyi ikinci transferdir. Paytaxt klubu daha öncə Rəşad Eyubovla müqavilə bağlayıb.