"Zenit”in yarımmüdafiəçisi Aksel Vitsel "Yuventus”a keçidinin baş tutmamasından danışıb. Qol.az-ın Rusiya mətbuatına istinadən verdiyi məlumata görə, belçikalı futbolçu Sankt-Peterburq klubunun qərarından şoka düşdüyünü bildirib: "Transferin alınmamasını qəbul etmək çox çətindir. "Yuventus”a minnətdaram. Onlar məni heyətə qatmaq üçün son ana qədər mübarizə apardılar. "Zenit”in 25 milyonluq təklifi qəbul etməməsindən şoka düşdüm. Halbuki müqaviləmin bitməsinə 1 il qalıb. Futbolda belə hallar olur. Tibbi müayinədən uğurla keçdikdən sonra özümü "Yuventus”da görürdüm”.