Noyabrın 28-dən 30-dək İranın Urmiya şəhərində gənclər arasında sərbəst və yunan-Roma güləşi üzrə “Martyrs Cup” turniri keçiriləcək.

Sportfm.az xəbər verir ki, komanda yarışında əvvəlcə sərbəst, daha sonra isə yunan-Roma güləşçiləri xalça üzərinə çıxacaqlar.

Sərbəst güləşçilərin mübarizəsində məşqçilər Rövşən Hacıyev və Əşrəf Əliyevin rəhbərliyi altında Şahin Muxtarov, Mahir Məmmədzadə (hər ikisi 57 kq), Əsgər Məmmədəliyev, Tural Hüseynov (hər ikisi 61 kq), Elmar Kazımov (65 kq), Əşrəf Aşurov (70 kq), Davud İbrahimov (74 kq), Rəşad Yusifli (79 kq), İslam İlyasov (86 kq), Asxab Həmzətov (92 kq), Sənan Əlizadə (97 kq) və Aydın Əhmədovdan (125 kq) ibarət heyət qüvvəsini sınayacaq.

Yunan-Roma güləşi üzrə komandamızda isə Zaur Əliyev (55 kq), Həsən Məmmədli, Əsgər Əlizadə (hər ikisi 60 kq), Zaur Nuriyev (63 kq), Ruslan Hədisov (67 kq), Niyaz Ərzumanov (72 kq), Cavid Miralayev (77 kq), Aslan Məmmədov (82 kq), Nəzərşah Fətullayev (87 kq), Rüfət Məmmədov (97 kq) və Sərxan Məmmədov (130 kq) yer alıb. Onlar böyük məşqçi Nurəddin Rəcəbov və məşqçi Akif Əliyevin tapşırıqlarını yerinə yetirəcək.

İkinci dərəcəli beynəlxalq hakim Vaqif Zeynallı “Martyrs Cup”da ədaləti qoruyacaq.

Oxşar xəbərlər

Yığma komandamız Qran-Pridə mübarizə aparacaq

Millimizin heyəti məlum oldu

Güləş millilərinin Avropa çempionatı üçün heyəti açıqlandı - SİYAHI

Güləş millimiz Ermənistan yığmasına qalib gəldi

Gənc güləşçilərimiz Tehranda beynəlxalq turnirdə mübarizə aparacaqlar