"Qarabağ"ın Avropa Liqasının qrup mərhələsindəki rəqiblərindən olan PAOK heyətini yeni hücumçuyla gücləndirib. Komanda.az xəbər verir ki, Saloniki təmsilçisi "Yuventus”dan Mame Baba Tiamı mövsümün sonunadək icarəyə götürüb. Bu barədə məlumatı klubun saytı yayıb.  2015-ci ildə "Lansiano”dan "qoca sinyora”ya keçən 23 yaşlı hücumçu turinlilərin heyətində bir oyun belə keçirmədən "Zulte Varegem”ə icarəyə verilib. O, Belçika təmsilçisinin heyətində meydana çıxdığı 28 oyunda 9 qola imza atıb.