"Arsenal" heyətini yeni hücumçuyla gücləndirib.

Komanda.az xəbər verir ki, "topçular" Yaponiyanın "Sanfresse Xirosima" klubunun 21 yaşlı forvardı Takuma Asanonu heyətinə cəlb edib. Bu barədə məlumatı London klubunun saytı yayıb.

"Arsenal"ın baş məşqçisi Arsen Venger klubun saytına gənc hücumçu barədə xoş sözlər söyləyib. O, Asanonun perspektivli oyunçu olduğunu və onun gələcəkdə komandaya böyük xeyir verəcəyinə inandığını deyib.

Asano 2013-cü ildən "Sanfresse Xirosima" klubunun şərəfini qoruyurdu. O, bu klubun heyətində meydana çıxdığı 56 oyunda 11 qola imza atıb.