Azərbaycanlı atlet Ramil Quliyev Rio Olimpiyadasında yarımfinala yüksəlib. Оxu.Az xəbər verir ki, 200 metr məsafəyə qaçışda Türkiyəni təmsil edən sprinter ilk mərhələni uğurla adlayıb. Üçüncü təsnifat qrupunda mübarizə aparan Ramil 20.23 saniyə nəticə ilə ikinci olub və yarımfinala yüksəlib. O, bu mərhələdə yamaykalı idmançı Useyn Boltu (20.28 saniyə) qabaqlamağa müvəffəq olub.

Qeyd edək ki, yarımfinal yarışları avqustun 18-də keçiriləcək.