Qazaxıstanlı idmançının ölümündə günahkar bilinən şəxs cinayəti etiraf edib. 

Sportfm.az xəbər verir ki, bir müddət öncə fiqurçu Denis Tan Alma-Ata şəhərində aldığı bıçaq zərbələrindən dünyasını dəyişib. 25 yaşlı Tanı xəstəxanaya çatdırsalar da, onun həyatını xilas etmək mümkün olmayıb. Məlum olub ki, onun avtomobilinin güzgüsünü oğurlamaq istəyən Nürəli Qiyasov idmançının müqaviməti ilə rastlaşdıqda, bıçağını çıxararaq, ona zərbələr endirməyə başlayıb. Hadisədən sonra yaxalanan Qiyasov haqqında cinayət işi açılıb. 

Qeyd edək ki, Soçidə keçirilən qış olimpiadasında Tan bürünc medal qazanmışdı.