"Neftçi" futbol klubu "Türk Hava Yolları" ilə əməkdaşlıq müqaviləsi imzalayıb. 

Sportfm.az xəbər verir ki, sözləşmə 1 il müddətinə nəzərdə tutulub.

Tədbirdə klubun prezidenti Kamran Quliyev, Türk Hava Yollarının Bakı ofisinin rəhbəri Seyfulla İlyas, Regional marketinq meneceri İzzət Çələbi, futbolçulardan Ruslan Abışov, Baqali Dabo, Soni Mustivar və komandanın baş məşqçisi Roberto Bordin, həmçinin digər şəxslər iştirak ediblər.

Anlaşmaya əsasən, “Neftçi”nin oyunçuları “Türk Hava Yolları”nın loqosunu yer aldığı məşq formalarını geyinəcək, bütün rəqamsal kanallar isə “Türk Hava Yolları” haqda məlumatları bölüşəcək. Bndan başqa “Türk Hava Yolları”nın loqosu reklam bannerləri, biletlər və dəvətnamələrin üzərində yerləşdiriləcək. 

Qeyd edək ki, 110 ölkənin 277 nöqtəsinə uçuşlar təşkil edən "Türk Hava Yolları” Avropanın ən yaxşı hava yolları şirkəti mükafatını qazanıb. İspaniyanın "Barselona”, İngiltərənin "Mançester Yunayted”, Almaniyanın "Borussiya” (Dortmund), Ukraynanın "Şaxtyor” kimi məşhur klublarına sponsorluq etmiş şirkət Türkiyənin 4 böyük klubu – "Qalatasaray”, "Beşiktaş”, "Fənərbaxça” və "Trabzonspor”la da əməkdaşlıq edir.

Oxşar xəbərlər

“Türk Hava Yolları” “Neftçi” ilə əməkdaşlığı dayandırdı

"Neftçi" məşhur şirkətlə müqavilə bağladı - 1 illik

"Neftçi" müqavilənin müddətini artırdı - "Türk Hava Yolları" ilə

“Neftçi”nin təlim-məşq bazasının adı dəyişdirildi

"Neftçi" "Barselona"nın sponsoru ilə anlaşdı