Aykut Kocaman Türkiyənin "Fənərbaxça" futbol komandasının baş məşqçi postundan ayrılıb.

Sportfm.az xəbər verir ki, 53 yaşlı mütəxəssis qərarını "Konyaspor"a 3:2 hesabı ilə qalib gəldikləri Superliqanın XXXIV tur matçının ardından futbolçulara açıqlayıb. O bildirib ki, növbəti mövsüm komandada qalıb-qalmayacağı qeyri-müəyyəndir.

Kocaman qərarını bu həftə kluba təqdim edəcək. Yeni rəhbərlik onunla yola davam etmək istəsə, o, işini davam etdirəcək.

Qeyd edək ki, Aykut Kocaman "Fənərbaxça"da ilk dəfə 2010 - 2013-cü illərdə baş məşqçi olub. O, ikinci dəfə 2017-ci ilin iyununda komandanın sükanı arxasına keçib. Kocamanın rəhbərliyi altında "Fənər" çempionatı gümüş medalla başa vuraraq, Çempionlar Liqasına vəsiqə qazanıb.

Oxşar xəbərlər

"Başakşəhər"də yeni baş məşqçi - RƏSMİ RƏSMİ

Kocaman "Fənərbaxça"dan getdi

Kocaman "Fənərbaxça"dan getdi - RƏSMİ

Azarkeşlər söydüyü üçün istefa verdi

"Fənərbaxça"nın yeni baş məşqçisinin adı məlum oldu