Azərbaycan prezidenti İlham Əliyev Braziliyanın Rio-de-Janeyro şəhərində keçiriləcək 31-ci Yay Olimpiya Oyunlarında iştirak edəcək idmançılarımız və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalayıb.

Sportfm.az xəbər verir ki, sərəncamla 31-ci Yay Olimpiya Oyunlarında ən yüksək nəticələrə görə Azərbaycan Respublikasının idmançıları və onların məşqçiləri üçün mükafatların məbləği aşağıdakı qaydada müəyyən edilib:

Birinci yeri tutan hər bir idmançıya 400 min manat, onun məşqçisinə 200 min manat;

İkinci yeri tutan hər bir idmançıya 200 min manat, onun məşqçisinə 100 min manat;

Üçüncü yeri tutan hər bir idmançıya 100 min manat, onun məşqçisinə 50 min manat.

Nazirlər Kabinetinə bu sərəncamdan irəli gələn məsələləri həll etmək tapşırılıb.