"Valensiya"nın argentinalı futbolçusu Pablo Piatti növbəti mövsümdə "Espanyol"da çıxış edəcək. Komanda.az xəbər verir ki, 27 yaşlı yarımmüdafiəçi Barselona təmsilçisinə 1 illik icarəyə verilib. Bu barədə məlumatı "Espanyol"un saytı yayıb. "Espanyol" icarə müddətinin sonunda Piattini transfer etmək hüququna malik olacaq.

Piatti 2011-ci ildən "Valensiya"nın uğurları üçün çalışır. O, bu müddət ərzində "yarasalar"ın heyətində keçirdiyi 162 oyunda 23 qola imza atıb. Piatti 1 oyunda Argentina millisinin də şərəfini qoruyub.