İtaliya A seriyasının 27-ci turundan təxirə salınan qarşılaşmaların keçiriləcəyi tarix müəyyənləşib.

Sportfm.az xəbər verir ki, yerli futbol federasiyası oyunları gələn aya təyin edib.

Dünən keçirilməli olan 7 görüş "Fiorentina"nın kapitanı Davide Astorinin ölümü səbəbindən təxirə salınmışdı. Beləliklə, "Cenoa" - "Kalyari", "Benevento" - "Verona", "Kyevo" - "Sassuolo", "Torino" - "Krotone" və "Udineze" - "Fiorentina" oyunları aprelin 3-4-də, "Atalanta" - "Sampdoriya" matçı isə 11-də baş tutacaq.

Yalnız "Milan"la "İnter" arasındakı qarşılaşmanın tarixi bəlli deyil. "Rossonyerlər" həmin vaxta qədər Avropa Liqasında mübarizəni davam etdirsələr, Milan derbisi başqa tarixdə oynanılacaq.

Oxşar xəbərlər

3 qarşılaşmanın vaxtı bilindi

"Milan" yenə azarkeşlərini üzdü, "Roma" isə...

Derbidən "qol" səsi çıxmadı

"Qoca sinyora" monaxın yaratdığının "xətrinə dəymədi"

"Yuventus" və "Roma" məğlub oldu