Çində mini-turnirə qatılacaq "Mançester Yunayted” bu yarışda yeni transferi Zlatan İbrahimoviçin xidmətindən yararlana bilməyəcək. Apasport.az saytı xarici mətbuata istinadən xəbər verir ki, isveçli hücumçu Asiya ölkəsinə getməyəcək. Buna səbəb baş məşqçi Joze Mourinyonun "İbrakadabra”ya yeni mövsüm öncəsi istirahət verməsidi. 35 yaşlı forvard EURO 2016-da iştirak etdiyindən, portuqaliyalı çalışdırıcı onun dincəlməsinə şərait yaradıb.

 

Qeyd edək ki, "Mançester Yunayted” turnirdə "Mançester Siti” və Dortmund "Borussiya”sı ilə qarşılaşacaq.