Azərbaycanın qadın həndbolçulardan ibarət “Azəryol” komandası "Çağırış Kuboku” uğrunda keçirilən yarışların dörddəbir final mərhələsi çərçivəsində ilk oyununa çıxıb.

Sportfm.az xəbər verir ki, İsveçin “Kristianstad” kollektivi ilə qarşılaşan həndbolçularımız meydanı 30:23 hesablı məğlubiyyətlə tərk ediblər.

Xatırladaq ki, matçı ukraynalı hakimlər Marina Dupli və Olena Kaverina idarə ediblər. Avropa Həndbol Federasiyasını (EHF) təmsilçisi isə türkiyəli Kənan Gökmən olub.

Komandalar arasında dörddəbir final mərhələsi uğrunda növbəti oyun fevralın 3-də əvvəlcədən razılaşdırıldığı kimi Bakıda keçiriləcək.

Qeyd edək ki, qonaqlar Bakıda keçirilən ilk qarşılaşmada nominal ev sahibi kimi çıxış ediblər.