Futbol üzrə Azərbaycan milli komandasının sabiq baş məşqçisi Robert Prosineçkiyə yeni təklif gəlib.

Sportfm.az xəbər verir ki, xorvatiyalı mütəxəssislə Belçikanın "Standard" (Lyej) klubu maraqlanır.

Yerli mətbuat yazır ki, "Standard"ın məhz Prosineçkiyə təklif göndərməsi təsadüfi deyil. 49 yaşlı baş məşqçi 2000-2001 mövsümünün ikinci yarısında Lyej komandasında futbolçu kimi çıxış edib. O, 21 oyuna 4 qol vurub. Hazırda bu klub Belçika çempionatında 21 turdan sonra 26 xalla 9-cu pillədə qərarlaşıb. Komanda bu mövsüm cəmi 6 qələbə qazanıb.

Qeyd edək ki, Robert Prosineçki Bosniya və Herseqovina milli komandasının da baş məşqçi postuna iki əsas namizəddən biridir. Yekun qərar bu gün veriləcək.

Oxşar xəbərlər

Robert Prosineçki xəstəxanaya düşdü - FOTO

Prosineçkinin Bosniya və Herseqovina millisindəki qazancı müəyyənləşdi

Millimizin baş məşqçisi Bosniya və Herseqovina yığmasına rəhbərlik edəcək

Robert Prosineçki yenidən Super Liqada peyda ola bilər

Robert Prosineçki millimizi tərk etdi