DÇ-2018-in seçmə mərhələsinin Afrika zonasının püşkü atılıb. Apasport.az saytının məlumatına görə, mərasim Misirin paytaxtı Qahirədə baş tutub.

 

Ümumilikdə 20 milli komandanın 5 qrupda yarışacağı seçmə mərhələdə qrup qalibləri Rusiyada keçiriləcək mundiala yollanacaqlar.

 

Qeyd edək ki, ən gərgin mübarizənin "B" qrupunda gedəcəyi gözlənilir. Dünya çempionatlarının stajlı iştirakçıları olan Afrika nəhəngləri Kamerun, Əlcəzair və Nigeriyadan yalnızca biri mundialda iştirak edə biləcək.

 

DÇ-2018-in seçmə mərhələsi, qrup mərhələsi

"A" qrupu: Tunis, Liviya, Konqo DR, Qvineya. 

"B" qrupu: Zambiya, Kamerun, Əlcəzair, Nigeriya 

"C" qrupu: Qabon, Mali, Fil Dişi Sahili, Mərakeş

"D" qrupu: CAR, Burkina-Faso, Seneqal, Kabo-Verde 

"E" qrupu: Qana, Misir, Konqo, Uqanda