Aprelin 16-19-da Gürcüstanın paytaxtı Tiflisdə cüdo üzrə böyüklər arasında Avropa çempionatı keçiriləcək. Komandamız bu gün Tiflisə yola düşüb.

Qitə yarışında Azərbaycanı təmsil edəcək yekun heyət bəlli olub.

Sportfm.az xəbər verir ki, mötəbər turnirdə 11 çəki dərəcəsində 15 cüdoçumuz (9 kişi və 6 qadın) mübarizə aparacaq.

İlkin heyətdə yer alan Ruslan Paşayev (-66 kq) zədələndiyi üçün yekun siyahıda onu Turan Bayramov əvəzləyib.

Avropa çempionatında idmançılarımıza kişilərdən ibarət yığmanın baş məşqçisi Riçard Trautman, böyük məşqçilər Elxan Məmmədov, Elçin İsmayılov, Slavko Tekiç və Robert Kravçik, həmçinin qadınlardan ibarət yığmanın baş məşqçisi Amina Abdellatif və böyük məşqçi Saşa Herkenrat-Vimar rəhbərlik edəcəklər.

Azərbaycan Cüdo Federasiyasının hakimlər heyətinin üzvü, “A” kateqoriyalı beynəlxalq dərəcəli hakim Nazim Umbayev də turnirdə ədalət təmsilçiləri sırasında yer alacaq.

Yarışda 46 ölkədən 404 cüdoçu (229 kişi və 175 qadın) 14 dəst medal uğrunda qüvvəsini sınayacaq.

Heyəti təqdim edirik:

Kişilər

-60 kq

Balabəy Ağayev

Əhməd Yusifov

-66 kq

Turan Bayramov

-73 kq

Hidayət Heydərov

-81 kq

Zelim Tçkayev

Ömər Rəcəbli

-90 kq

Murad Fətiyev

-100 kq

Zelim Kotsoyev

+100 kq

Kənan Nəsibov

Qadınlar

-48 kq

Könül Əliyeva

Şəfəq Həmidova

-52 kq

Leyla Əliyeva

Gültac Məmmədəliyeva

-70 kq

Südabə Ağayeva

+78 kq

Madina Kaisinova.

Oxşar xəbərlər

Cüdoçularımız “Böyük Dəbilqə” turnirində iştirak edəcək

Ölkəmizi Sloveniyada təmsil edəcək cüdoçular - SİYAHI

Cüdoçularımız dünya çempionatında mübarizə aparacaq

“Böyük Dəbilqə”də iştirak edəcək Azərbaycan cüdoçuları - SİYAHI

Tiflisə 15 cüdoçu ilə yollanırıq