Türkiyənin “Serik Bələdiyəspor” klubu baş məşqçi Sergey Yuranla müqaviləyə xitam verib.

Sportfm.az xəbər verir ki, bu barədə klubun mətbuat xidməti məlumat yayıb.

56 yaşlı mütəxəssis iyulun 1-də komandanın “sükanı arxasına” gətirilmişdi. Müqavilə bir mövsümlük nəzərdə tutulmuşdu. Hazırda Türkiyə birinci liqasında çıxış edən “Serik Bələdiyəspor” 13 xalla turnir cədvəlinin 14-cü pilləsində qərarlaşıb.

Yuran Türkiyəyə gəlməzdən əvvəl Rusiyanın “Pari Nijniy Novqorod” klubunda çalışırdı və 2024-cü ilin aprelində oradan ayrılmışdı. O, karyerası ərzində Moskva “Spartak”ının məşqçilər heyətində yer alıb, həmçinin, “Almaz”, “Dinamо” (Stavropol), “Şinnik”, “Baltika”, “Ximki”, “SKA-Xabarovsk”, “Sibir”, “Zorkiy”, eləcə də “Lokomotiv” (Qazaxıstan), “Simurq” (Azərbaycan), “Mika” (Ermənistan), “Ditton” (Latviya) və TFMK (Estoniya) kimi komandaları idarə edib.
Qeyd edək ki, Sergey Yuran 2011/2012 mövsümündə "Simurq"a rəhbərlik edib.

Oxşar xəbərlər

Türkiyə klubunda baş məşqçi istefası - Ayrılıq

Türkiyə klubu azərbaycanlı məşqçi ilə yollarını ayırdı

Sergey Yuranın yeni klubu açıqlandı

"Ximki" baş məşqçisini göndərdi - Ayrılıq

"Spartak" baş məşqçisini göndərdi - Müqaviləyə xitam verildi