Fransa təmsilçisi PSJ İngiltərənin "Tottenhem" klubuna qalib gələrək tarixində ilk dəfə UEFA Superkubokunun qalibi olub.

Sportfm.az xəbər verir ki, İtaliyanın Udine şəhərindəki "Friuli" stadionunda keçirilən görüşün əsas vaxtı 2:2 hesabı ilə başa çatıb.

39-cu dəqiqədə Mikki van de Ven londonluları hesabda önə çıxarıb. Kristian Romero 48-ci dəqiqədə "mahmızlar"ın üstünlüyünü iki topa çatdırıb.

Bununla belə, Paris kollektivi qarşılaşmada dönüş yaratmağa müvəffəq ola bilib. 85-ci dəqiqədə Li Kan İn, 90+4-cü dəqiqədə isə Qonsalu Ramuş fərqlənməklə qarşılaşmanı penaltilər seriyasına daşıyıblar.

Burada daha dəqiq oynayan (4:3) Luis Enrikenin rəhbərlik etdiyi komanda Superkuboka sahib çıxıb.

Qeyd edək ki, PSJ ötən mövsüm UEFA Çempionlar Liqasının, "Tottenhem" isə Avropa Liqasının qalibi olub.

Ötən il UEFA Superkubokunu İtaliyanın "Atalanta" komandasını 2:0 hesabı ilə məğlub edən "Real" (Madrid, İspaniya) qazanıb. "Kral klubu" UEFA Superkubokunda ən çox qələbə qazanan komandadır. Madridlilərin muzeyində 6 belə mükafat var.

Oxşar xəbərlər

UEFA Superkubokunun qalibi müəyyən olacaq

"Krallar" muzeyinə daha bir kubok apardı

İngiltərə Superkubokunun qalibi məlum oldu

Parislilər Çində Fransa Superkubokunu qazandı - FOTO

Bu gün UEFA Superkubokunun qalibi məlum olacaq