Beynəlxalq İdman Araşdırmalar Mərkəzi (CIES) hazırkı mövsümdə 21 yaşadək futbolçuların öz klublarında qazandıqları oyun vaxtının faizini təhlil edib.
Sportfm.az xəbər verir ki, araşdırmada 65 dünya liqası yer alıb. Bura Azərbaycanın Misli Premyer Liqası da daxildir.

Siyahıya əsasən, sözügedən yaş kateqoriyasının futbolçularına ən çox oyun vaxtı verən klubumuz 22,5 faizlə "Şamaxı" olub.

Bölgə təmsilçisindən sonra isə "Neftçi" (13,1 faiz), "Sabah" (9,3 faiz), "Sumqayıt" (8,2 faiz), "Zirə" (7,0 faiz), "Qarabağ" (5,7 faiz), "Səbail" (3,2 faiz), "Kəpəz" (3,1 faiz), "Araz-Naxçıvan" (2,5 faiz) və "Turan-Tovuz" (2,1 faiz) gəlir.

Qeyd edək ki, sözügedən araşdırmada ən yüksək nəticə Belçikanın "Lommel" klubundadır – 69,6 faiz.

Oxşar xəbərlər

Azərbaycan Premyer Liqasının dəyəri artdı

Misli Premyer Liqasında ən çox dəqiq ötürmə verən komandalar - SİYAHI

"Qarabağ" 1-ci, "Neftçi" 2-ci...

"Qəbələ" Premyer Liqamızın birincisi oldu - Gənclərə ən çox şans verən

Azərbaycan Premyer Liqası 48-cidir - 93 çempionatın yer aldığı siyahıda