"Mlada Boleslav" Avropa Liqasının II təsnifat mərhələsində İrlandiyanın "Şemrok Rovers" klubunu səfərdə 3:2, evdə 2:0 hesabı ilə yenib. Növbəti mərhələdə rəqib Albaniyadan  "Skenderbeu" olacaq.

 

Bu ilin aprelində "Boavişta"dan qalmaqallı şəkildə ayrılan Ağayev çexlərlə 1+1 illik müqavilə bağlayıb. "Mlada" varlı klub deyil və təbii ki, ona yüksək paralar ödəməyəcək.

"Neftçi"nin transferindən vaz keçdiyi kiper sözügedən ölkədə ayına 6000 avro qazanacaq. Portuqaliyada isə bu rəqəm 4000 avronu keçmirdi.

 

Razılaşmaya əsasən, gələn yay Avropanın hansısa ölkəsindən dəvət alsa, "Mlada" Kamranın ayrılmasına problem yaratmayacaq (sportinfo).