Sportfm.az xəbər verir ki, paytaxtdakı 4 ulduzlu otellərdən birində məskunlaşan Gürcüstan təmsilçisi "Azərsun Arena”da ilk məşqinə çıxıb. Bu gün isə komandanın Respublika stadionunda məşqi nəzərdə tutulub. "İnter"in sabiq futbolçusu, hazırda "Samtredia"nın şərəfini qoruyan Laşa Kasradze saytımıza oyunla bağlı fikirlərini bildirib:"Qarşıda bizi çətin görüş gözləyir. "Qarabağ" güclü rəqibdir, uzun illərdir avrokuboklarda stabil çıxış edir. Son transferlərdən xəbərimiz var, ancaq, Bakıya gəzməyə gəlməmişik. İki oyunun nəticəsinə görə növbəti mərhələyə adlamaq istəyirik".