"İnter Mayami"nin argentinalı hücumçusu Lionel Messi "Nyu York Red Bullz"la matçdan (6:2) sonra MLS-də iki rekorda imza atıb.

Sportfm.az xəbər verir ki, 36 yaşlı futbolçu bu görüşdə bir qol vurub və 5 qolun ötürməsi edib.

Bununla da Messi MLS tarixində bir matçda 5 qol ötürməsi verən ilk oyunçu olub. O, eyni zamanda MLS-də bir matçda 6 məhsuldar hərəkət (qol və ya qol ötürməsi) edən yeganə futbolçu adına yiyələnib.

Xatırladaq ki, sözügedən görüşdə uruqvaylı hücumçu Luis Suares het-trik edib.

Hazırda "İnter Mayami" 12 matçdan sonra 24 xalla MLS turnir cədvəlində birinci yerdədir. "Nyu York Red Bulls" 17 xalla 7-ci pillədə qərarlaşıb.

Oxşar xəbərlər

Messi qol vurdu, "İnter Mayami" bərabərə qaldı

Messi "İnter Mayami"nin bərabərlik qolunu vurdu

Jurnalistə cavab vermədi, cəzalana bilər

Messi Amerikada ilk kubokunu qazandı

Messi ilk oyunda "İnter Mayami"yə qələbə qazandırdı