Bu gün Fil Dişi Sahilində Afrika Millətlər Kuboku start götürəcək.

Sportfm.az xəbər verir ki, turnirdə 24 komanda iştirak edəcək. Açılış matçında A qrupunda Kot-d`İvuar Qvineya-Bissau ilə üz-üzə gələcək. Görüş Bakı vaxtı ilə saat 00:00-da başlayacaq.

Bu, tarixin 34-cü Afrika Millətlər Kubokudur. Kot-d`İvuar isə ilk dəfə sözügedən turnirə ev sahibliyi edir. Yarış fevralın 11-dək davam edəcək. Daha əvvəl builki Afrika Millətlər Kubokunun iyun-iyul aylarında keçirilməsi planlansa da, bölgədəki əlverişsiz hava şəraiti nəticəsində qərar dəyişib.

Afrika Millətlər Liqasının qalibi olan milli komanda 7 milyon dollar mükafat əldə edəcək. İkinci yeri tutan komanda isə 4 milyon dollar qazanacaq. Bu turnirin son çempionu Seneqal yığmasıdır.

Afrika Millətlər Kubokunda qrupların tərkibi belədir:

A qrupu: Kot-d`İvuar, Nigeriya, Ekvatorial Qvineya, Qvineya-Bissau

B qrupu: Misir, Qana, Kabo-Verde, Mozambik

C qrupu: Seneqal, Kamerun, Qvineya, Qambiya

D qrupu: Əlcəzair, Burkina Faso, Mavritaniya, Anqola

E qrupu: Tunis, Mali, Cənubi Afrika Respublikası, Namibiya

F qrupu: Mərakeş, Konqo Demokratik Respublikası, Zambiya, Tanzaniya

Oxşar xəbərlər

Qrup mərhələsinin püşkü atıldı - Afrika Millətlər Kuboku

Afrika Millətlər Kubokunun bütün iştirakçıları bilindi

Afrikada 40 komanda yarışacaq - Püşk atıldı

1/8 finalın cütlükləri müəyyənləşdi - Afrika Millətlər Kuboku

Afrika Millətlər Liqasının püşkü atıldı