Səudiyyə Ərəbistanı Suveren Fondu (PIF) maliyyəşdirdiyi klubların qış transferlərinə məhdudiyyətlər qoyub.
Sportfm.az xəbər verir ki, bunlar "Əl-Hilal", "Əl-Nəsr", "Əl-İttihad" və "Əl-Əhli"dir.

Bildirilib ki, komandalar PIF-in dəstəyi olmadan böyük müqavilələr bağlaya bilməyəcəklər. Yanvarda bu klublar heyətlərini gücləndirib-gücləndirməməklə bağlı qərar verəcəklər. Amma istənilən transfer bir sıra ciddi tələblərə cavab verməlidir. Hazırda onların dövlətin maliyyə dəstəyi olmadan yüksək səviyyəli futbolçuları dəvət etmək imkanı yoxdur.

Qeyd edək ki, Səudiyyə Ərəbistanı klubları 2023-cü ilin yayında oyunçu keçidlərinə 875,4 milyon ABŞ dolları xərcləyiblər. Bu, İngiltərə Premyer Liqasından sonra ən yüksək ikinci göstəricidir.

Xatırladaq ki, Kriştianu Ronaldu "Əl-Nəsr"də, Kərim Benzema "Əl-İttihad"da, Neymar isə "Əl-Hilal"da çıxış edir. Daha əvvəl bir neçə məşhur oyunçunun narazılıq səbəbindən Səudiyyə Ərəbistanını tərk etmək istədiyi bildirilib.

Oxşar xəbərlər

Braziliya millisinin futbolçusu Səudiyyə Ərəbistanı klubunda

1/8 finalın püşkü atıldı - Asiya Çempionlar Liqası

Yayda transferlərə ən çox pul xərcləyən klublar - SİYAHI

Səudiyyə Ərəbistanı dünya çempionatına ev sahibliyi edəcək

Səudiyyə Ərəbistanının DÇ-2022 üçün heyəti - SİYAHI