Dünyanın ən bahalı 100 futbolçusunun adları bəlli olub.

Sportfm.az xəbər verir ki, Beynəlxalq İdman Araşdırmalar Mərkəzi (CIES) yeni siyahını açıqlayıb.

CIES-in versiyasına əsasən, İspaniyanın "Real" klubunda çıxış edən ingiltərəli Cud Bellinqem ilk pillədə qərarlaşıb.

20 yaşlı oyunçunun dəyəri 267.5 milyon avro olaraq qiymətləndirilib. İngiltərə təmsilçisi "Mançester Siti"dən norveçli Erlinq Holann (251,2 milyon avro) ikinci, Bellinqemin komanda yoldaşı braziliyalı Vinisius Junior (250,3 milyon avro) üçüncü olub.

"Real"dan Rodriqo (247,9 milyon avro), İngiltərənin "Arsenal" klubundan Bukayo Saka (223 milyon avro), "Mançester Siti"dən Fil Foden (195,8 milyon avro), İspaniya çempionu "Barselona"dan Qavi (175,4 milyon avro), "Mançester Siti"dən Xulian Alvares (164,7 milyon avro), Almaniyanın "Bavariya" komandasından Camal Musiala (152,4 milyon avro) və "Arsenal"dan Martin Edeqor (150,6 milyon avro) ilk "10-luğ"u tamamlayıblar.

Oxşar xəbərlər

Dünyanın ən bahalı futbolçuları açıqlandı

Dünyanın ən bahalı futbolçuları - SİYAHI

Ən bahalı futbolçuların rəmzi komandası - SİYAHI

DÇ-2022-nin ən bahalı futbolçuları - SİYAHI

Dünyanın ən bahalı futbol brendləri - SİYAHI