"Martda Azərbaycan millisinə qarşı oynamışdıq. Birinci hissəsində çətinliklə üzləşmişdik. Rəqibin müdafiə xəttini ikinci hissədə yara bildik. Sabah da bizi çətin oyun gözləyir”.
Sportfm.az xəbər verir ki, bu sözləri İsveç yığmasının baş məşqçisi Yanne Andersson Avro-2024-ün seçmə mərhələsində sabah Azərbaycanla keçirilən oyun üçün təşkil edilən mətbuat konfransında deyib.

O qeyd edib ki, qrupdan çıxmaq şansları qalmasa da, bütün matçlara eyni cür yanaşırlar: "Yaxşı çıxış etmək və qələbə qazanmaq istəyirik. Yanaşmamız da heç bir dəyişiklik yoxdur. Sabah rəqibə çətin anlar yaşatmaq istəyirik".
Baş məşqçi “Qarabağ”ın Avropa Liqasının qrup mərhələsində İsveç təmsilçisi “Hekken”lə eyni qrupda yer almalarına da münasibət bildirib: “Bütün diqqətimi milliyə yönəltdiyim üçün ətraflı məlumatım yoxdur. Onu bilirəm ki, “Qarabağ” güclü komandadır, uğurlu çıxış edir. Ümid edirəm ki, “Hekken” sonluğu uğurlu başa vuracaq”.

O, "Neftçi"nin isveçli idman direktoru Yens Anderssonla söhbətinin olduğunu bildirib:."Amma bu oyunla bağlı yox. Qısa müddətdir ki, Azərbaycanda çalışır".

Oxşar xəbərlər

“Qarabağ” çox güclü komandadır" - Xabi Alonso

İsveç yığmasının Azərbaycanla oyun üçün heyəti - Siyahı

"Ümid sonda ölür" - Canni De Byazi

Sol Solbakken: Rəqib güclü komandadır

"Şerif"in baş məşqçisi:"Hücum edə bilməzdik"