AFFA İntizam Komitəsi “Sumqayıt”ın baş məşqçisi Samir Abasovu ikisi şərti olmaqla beş oyunluq cəzalandırıb.
Sportfm.az xəbər verir ki, buna mütəxəssisin “Zirə”yə 0:1 hesabı ilə uduzduqları Premyer Liqanın 6-cı turunun matçında hakimi təhqir etdiyi üçün birbaşa qırmızı vərəqə alaraq texniki zonadan kənarlaşdırılması səbəb olub.

Abasova üç ay sınaq müddəti təyin edilib. “Gənclik şəhəri” təmsilçisi isə buna görə 4000 manat ödəməli olacaq.

Əlavə olaraq, qonaqların azarkeşləri meydana kənar əşyalar atdığı üçün “Sumqayıt” əlavə 800 manat cərimələnib.

Komitə “Zirə” fanatlarının da eyni hərəkətinə görə paytax klubuna 800 manat cərimə kəsib. “Qartallar”ın futbolçusu Pyer Zebli birbaşa qırmızı vərəqə aldığı üçün iki oyunluq cəza alıb, klub isə 1500 manat cərimələnib.

Oxşar xəbərlər

“Sumqayıt” tərcüməçisinə görə cərimə olundu - QƏRAR

“Kəpəz” cərimə ödəyəcək - 8500 manat

Hakimi təhqir edən futbolçuya ağır cəza - QƏRAR

Elçin Məsiyevin səhvinin cəzası - 1000 manat

İntizam Komitəsinin qərarları açıqlandı