Azərbaycan boksçusu Sübhan Babayev Rumıniyanın Ployeşti şəhərində keçirilən Avropa birinciliyində növbəti qələbəsini qazanıb.
Sportfm.az xəbər verir ki, 50 kq çəkidə çıxış edən idmançı ikinci döyüşündə Maksim Çekini (Ukrayna) sınağa çəkib.
Startda Ahmet Yılmaza (Türkiyə) qalib gələn Babayev bu dueli də aktivinə yazıb. O, rəqibini 4:1 (30:27, 30:27, 28:29, 30:27, 30:27) hesabı ilə məğlub edib. Məktəblilər arasında Avropa çempionu 1/4 finalda ingiltərəli Riza Safari ilə üz-üzə gələcək. Görüş iyulun 26-da olacaq.
Qeyd edək ki, 32 ölkədən 378 (260 oğlan, 118 qız) boksçunun qatıldığı Avropa birinciliyinin üçüncü günündə Azərbaycan millisinin daha 4 üzvü mübarizəyə qoşulacaq.

Oxşar xəbərlər

Daha 3 boksçumuz Avropa çempionatında qələbə qazandı

Boksçularımız 1/4 finalda - Avropa kuboku

Kərimli Avropa birinciliyində medalı təmin etdi

Zidan Hümbətov 1/4 finalda - Avropa birinciliyi

Boksçumuz 1/4 finalda - Avropa birinciliyi