Argentina bu il 20 yaşadək futbolçular arasında keçiriləcək dünya çempionatına ev sahibliyi edəcək.

Sportfm.az xəbər verir ki, bu barədə FİFA-nın saytı məlumat yayıb. Bundan əvvəl FİFA İndoneziyanın Bali adasının qubernatoru Vayan Kosterin İsrail yığmasını turnirdə iştirak etməməyə çağıran açıqlamaları ilə bağlı qalmaqaldan sonra İndoneziyanı turnirə ev sahibliyi etmək hüququndan məhrum edib. Ölkədə israilli futbolçuların gəlişi ehtimalı ilə bağlı etirazlar başlamışdı.

FİFA baş verənlərdən sonra Argentinanın turnirin ev sahibi olacağını açıqlayıb. U-20  Argentina millisi ev sahibi kimi İndoneziya yığmasını əvəz edəcək.

Qeyd edək ki, U-20 dünya çempionatı 20 may - 11 iyun tarixlərində keçiriləcək.

Oxşar xəbərlər

DÇ-2034-ün finalına ev sahibliyi edəcək ölkə açıqlandı

Avstraliya dünya çempionatından imtina etdi

Səudiyyə Ərəbistanı dünya çempionatına ev sahibliyi edəcək

Futbola siyasət qarışdı, dünya çempionatı əllərindən alındı

Avstraliya dünya çempionatına ev sahibliyi etmək istəyir