Rusiya Premyer Liqasında 23-cü turun oyunlarına yekun vurulub.

Sportfm.az xəbər verir ki, turun mərkəzi matçında "Otkrıtie Arena"da "Spartak" Sankt-Peterburq təmsilçisi "Zenit"i qəbul edib. Moskvalılar güclü azarkeş dəstəyi altında rəqibini 2:1 hesabı ilə məğlub edib. "Spartak"ın qollarını Kvinsi Promes və Aleksandr Səmədov vurub, "Zenit"in heyətində Artyom Dzyuba fərqlənib. Bu qələbə ilə xallarının sayını 54-ə çatdıran "Spartak" ən yaxın təqibçisindən 10 xal önə keçib. Artıq Moskva klubunun çempion olacağına kimsə şübhə etmir. 

Qeyd edək ki, "Spartak" sonuncu dəfə 2001-ci ildə qızıl medalları qazanıb.