Gənclər və idman naziri Fərid Qayıbov iyulun 9-da ölkəmizin bir sıra şəhər və rayonlarında səfərdə olub.

Sportfm.az xəbər verir ki, səfər çərçivəsində Fərid Qayıbov Beyləqan, Horadiz və Ağdam Olimpiya İdman Komplekslərinin vəziyyəti ilə tanış olub. Bu idman mərkəzlərində idman bölmələrinin artırılması, idmanın kütləviliyini artırmaq üçün silsilə tədbirlər, eləcə də regional yarışların daha çox keçirilməsi, təlim-məşq toplanışları üçün şəraitin standartlara uyğunlaşdırılması barədə müzakirələr aparılıb. Mövcud idman bölmələrində uşaq-gənclərin məşğələlərini izləyən nazir məşqçi-mütəxəssisləri dinləyib, onlarla fikir mübadiləsi edib.

Beyləqanda Gənclər Evinin fəaliyəti ilə də tanışlıq olub. Burada gənclərin asudə vaxtının təşkili və yaradıcılıq dənəklərinin işi ilə maraqlanan nazir daha çox gənci əhatə edəcək tədbirlərin təşkili ilə bağlı tövsiyələr verib. Səfər çərçivəsində Horadiz Gənclər Evinə də baxış olub və burada fəaliyyətin qurulmasının vacibliyi vurğulanıb.

Oxşar xəbərlər

Fərid Qayıbov Siyəzən və Xızıda vətəndaşları qəbul etdi

Nazir Bakının kənd və qəsəbələrində idman mərkəzlərinə baxış keçirdi - FOTO

Fərid Qayıbov bölgələrə səfər etdi

Nazir Naxçıvana səfər etdi - Gənclərlə görüşdü

Nazir Oxatma Federasiyasını ziyarət etdi - FOTO