Dünya Güləş Birliyi (UWW) 2 illik fasilədən sonra sərbəst güləşçilərə verilən pul mükafatını bərpa edib.

Sportfm.az xəbər verir ki, idmançıların dünya reytinqindəki mövqeyinə uyğun müəyyənləşdirilən mükafatı ilk "üçlük"də qərarlaşan pəhləvanlar alacaqlar.

Reytinqdə ən yüksək yeri tutan idmançı 10 min ABŞ dolları, ikinci yerin sahibi 7 min dollar, üçüncü yerdə qərarlaşan isə 3 min dollar qazanacaq.

Mükafatçılar sırasında Azərbaycanın sərbəst güləşçisi Osman Nurməhəmmədov da var. 92 kq çəki dərəcəsində dünya reytinqində 3-cü olan 23 yaşlı idmançıya 3 min ABŞ dolları mükafat veriləcək.

Qeyd edək ki, Nurməhəmmədov ötən ay Serbiyanın paytaxtı Belqradda keçirilmiş U-23 dünya çempionatında qızıl medal qazanıb.

Oxşar xəbərlər

Azərbaycanın sərbəst güləşçiləri Avropa çempionatını 7 medalla başa vurub

UWW Mariya Stadniki mükafatlandırdı - 3 000 ABŞ dollar

Bu gün bir boksçumuz mübarizəyə qoşulacaq - Dünya çempionatı

Millimizin heyəti açıqlandı - Dünya çempionatı

Dünya çempionatında bir ilk - Pul mükafatı veriləcək