21 yaşadək futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirib.

Sportfm.az xəbər verir ki, Milan Obradoviçin baş məşqçi olduğu komanda Norveç yığmasını qəbul edib.

“Bakcell Arena”dakı qarşılaşma qonaqların 2:1 hesablı qələbəsi ilə yekunlaşıb. Azərbaycan seçməsinin heyətində yeganə qolu 80-ci dəqiqədə İsmayıl Zülfüqarlı vurub. Rəqibdən isə 4-cü dəqiqədə Yohan Hove və 53-cü dəqiqədə Osame Sahraui fərqləniblər.

Qeyd edək ki, hazırda Azərbaycan yığması 6 komandalı A qrupunda 6 oyundan 1 xalla 5-ci pillədə qərarlaşıb. Norveç isə 15 xalla Xorvatiya ilə birlikdə 1-2-ci yerləri bölüşdürür.

Oxşar xəbərlər

Sonuncu görüşdə məğlub olduq

Millimiz son oyununa çıxır - Avropa çempionatı

Millimiz böyük hesabla uduzdu

Millimiz Avstriyaya məğlub oldu - Avropa çempionatı

Yığmamız Slovakiyaya uduzdu - 2:1