21 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün ilk oyununu keçirəcək.

Sportfm.az xəbər verir ki, Milan Obradoviçin rəhbərlik etdiyi kollektiv səfərdə Xorvatiyanın müvafiq yaş qrupundan ibarət komandası ilə qarşılaşacaq. Oyun Velika Qoritsa şəhərindəki şəhər stadionunda, Bakı vaxtı ilə saat 21:00-da başlayacaq.

Azərbaycan millisi Avropa çempionatının A qrupunda Avstriya, Norveç, Finlandiya, Xorvatiya və Estoniya ilə mübarizə aparacaq.

Avropa çempionatı

2 sentyabr

21:00 Xorvatiya U-21 – Azərbaycan U-21
Baş hakim: Denis Şurman (Ukrayna)