Türkiyənin Antalya şəhərində qış hazırlığını davam etdirən "Neftçi" növbəti yoxlama görüşü keçirib.

Sportfm.az xəbər verir ki, rəqib Rusiyanın "Tosno" klubu olub. Matç bərabərliklə başa çatıb - 2:2. "Neftçi"nin qollarını Ramon Kordozo və Murad Ağayev vurub.

Qeyd edək ki, "Neftçi" bundan əvvəlki yoxlama görüşlərində Türkiyənun "Sivasspor" klubu ilə qolsuz heç-heç edib, Özbəkistan "Nasaf"ına 0:1, Albaniyanın "Kukesi" klubuna isə 2:4 hesabı ilə məğlub olub.