Polşanın "Legiya" klubuna keçəcəyi gözlənilən Azərbaycan millisinin futbolçusu Mahir Emreli Varşavaya yola düşüb.

Sportnet.az xəbər verir ki, bu barədə 24 yaşlı hücumçunun agenti Tural Əsgərov məlumat verib.

Onun sözlərinə görə, forvard səhər saatlarında Polşaya gedib: "Mahir Emreli tibbi müayinədən keçəcək. Müqavilənin bəzi detalları hələ də müzakirə edilir. Hər şey qaydasında olsa, növbəti həftə rəsmi müqaviləyə imza atacaq".

Sözləşmə müddəti sonradan daha 1 il uzadıla bilməsi şərti ilə 3 il olacaq.

Qeyd edək ki, Mahir Emreli 2015-ci ildən "Qarabağ"ın formasını geyinib. Onun Ağdam təmsilçisi ilə müqaviləsi başa çatıb. Forvard Premyer Liqada ötən mövsüm 18 qolla bombardirlik yarışında ikinci olub. (report)

Oxşar xəbərlər

"Legiya"da ilin ən yaxşı legioneri - Mahir Emreli

Mahir Emreli "Qarabağ"dan getdi - Paylaşım etdi

Mahir Emreli tibbi müayinədən keçdi - “Legiya”da

Mahir Emreli axır ki, gedir - Açıqlama

Mahir Emreli "Legiya" ilə anlaşdı - Polşa mətbuatı