Azərbaycan milli komandasının qarşıdakı yoldaşlıq görüşləri üçün heyəti açıqlanıb.

Sportfm.az xəbər verir ki, baş məşqçi Canni De Byazi qarşıdakı oyunlara 29 futbolçu çağırıb.
Millimizə ilk dəfə Rüstəm Əhmədzadə ("Minay" Ukrayna), Höccət Haqverdi və Murad Xaçayev (hər ikisi "Sumqayıt") dəvət olunub. Onların hər üçü milliləşdirilib.

Qeyd edək ki, Azərbaycan millisi mayın 27-də Alanyada Türkiyə, iyunun 2-də Minskdə Belarus, iyunun 6-da isə Kişineuda Moldova ilə yoldaşlıq oyunu keçirəcək.