Rusiyanın Kazan şəhərində cüdo üzrə beynəlxalq təlim-məşq toplantısı keçirilir.
Sportfm.az xəbər verir ki, toplantıda dünyanın ən güclü cüdoçuları ilə yanaşı, Azərbaycan millisinin də üzvləri iştirak edirlər. Beynəlxalq Cüdo Federasiyasının təşkilatçılığı ilə baş tutan məşqlərə Azərbaycan cüdoçuları ilə yanaşı Rusiya, Fransa, Yaponiya, Koreya, Monqolustan, Almaniya, İtaliya, Belçika, Avstriya, Braziliya, Çexiya, Belarus, Özbəkistan, İspaniya, Gürcüstan, Hollandiya, Moldova, Qazaxıstan və digər ölkələrin yığmaları qatılıb.
Kazan toplanışında olimpiya, dünya, qitə çempionatlarının mükafatçıları, onların məşqçiləri iştirak edirlər. Milli komandamızın üzvləri baş məşqçi Ruslan Maşurenko və məşqçi Elxan Məmmədovun başçılığı altında gündə 2 dəfə məşq edərək, yaxın gələcəkdə keçiriləcək dünya çempionatı və Olimpiya Oyunlarına hazırlaşırlar.
Beynəlxalq təlim-məşq toplanışı mayın 15-dək davam edəcək.

Oxşar xəbərlər

Cüdoçularımız Olimpiadaya hazırlaşır - Xorvatiyada

Cüdoçularımız olimpiadaya hazırlaşır - Almaniyada

Cüdoçularımız yarışlara Albaniyada hazırlaşır

Millimiz yarışlara Daşkənddə hazırlaşır

Cüdoçularımız Macarıstanda təlim-məşq toplanışını başa vurdu