"Formula 1" üzrə Azərbaycan Qran-prisinə hazırlıq işləri davam edir.

Sportfm.az xəbər verir ki, Bakı Şəhər Halqasından (BŞH) Sportnet.az-a verilən məlumata görə, növbəti mərhələdə trekin asflat örtüyündə zəruri təmir-bərpa işləri aparılacaq.

Təmir işlərinə mayın 8-də start veriləcək və bu proses nəqliyyatın sıxlığından asılı olaraq müxtəlif fasilələrlə həmin ayın 20-dək davam etdiriləcək.

İşlər ilkin mərhələdə Xəqani, Zərifə Əliyeva və İstiqlaliyyət küçələri ilə Bülbül və Neftçilər prospektlərinin müəyyən hissələrində, həmçinin Aleksandr Puşkin ilə Xəqani küçələrinin, Bülbül prospekti ilə Üzeyir Hacıbəyli küçəsinin və Rəsul Rza küçəsi ilə Neftçilər prospektinin kəsişmələrində əsasən gündüz saatlarında aparılacaq. İş zamanı müəyyən lokal məhdudiyyətlər tətbiq olunacaq, lakin əksər hallarda nəqliyyat fasiləsiz şəkildə hərəkət edə biləcək.

BŞH sakinlərdən təmir-bərpa işlərinin intensiv aparıldığı saatlarda sözügedən ərazilərdə avtomobillərini parklamağı xahiş edib, göstərilən anlayışa və dəstəyə görə əvvəlcədən təşəkkürünü bildirib.

Qeyd edək ki, Azərbaycan Qran-prisi 4 - 6 iyunda keçiriləcək.

Oxşar xəbərlər

Bakıda bu yollar bağlanacaq - Formula 1

Tıxaclara hazır olun - Bakıda yollar daralacaq

Azərbaycan Qran-prisi üçün tikinti-quraşdırma işləri başlandı - Formula 1

Sabahdan Bakıda yolların bağlanmasına başlanacaq - Səbəb isə...

Bakıda yollar bağlanacaq - səbəb isə idman yarışıdır