Azərbaycanın gənclər və idman naziri Azad Rəhimov dünyasını dəyişib.

Sportfm.az xəbər verir ki, bu barədə Gənclər və İdman Nazirliyinin Mətbuat katibi Səmayə Məmmədova bildirib. Qeyd edək ki, bir müddətdir ABŞ-da ağciyər xərçəngi və qaraciyər serrozundan müalicə olunan A. Rəhimov 57 yaşında dünyasını dəyişib.

Azad Rəhimov 1984-cü ildən 1986-cı ilə qədər Xətai rayonunda 245 nömrəli tam orta məktəbdə Komsomol Komitəsində vəzifəsində çalışıb. 1986-1987-ci illərdə sovet ordusu sıralarında müddətli həqiqi hərbi xidmətdə olub. Ordudan təxris olunduğdan sonra 1987-ci ildən 1989-cu ilə qədər Azərbaycan SSR Lenin Komsomolu Gənclər İttifaqının Xətai Rayon Komitəsində şöbə müdiri vəzifəsində, 1989-1990-cı illərdə Azərbaycan SSR Gənclər İttifaqı Komitəsinin sədri vəzifəsində çalışıb.

1994-1998-ci illərdə "Ros-İMESKO" Məhdud Məsuliyyəti Cəmiyyətinin rəhbəri vəzifəsində, 1998-2006-cı illərdə isə "Italdizain" Qapalı Tipli Səhmdar Cəmiyyətinin rəhbəri vəzifəsində çalışıb.

Azərbaycan Prezidenti İlham Əliyevin 7 fevral 2006-cı il tarixli sərəncamına əsasən Azərbaycanın gənclər və idman naziri vəzifəsinə təyin olunub.

Azad Rəhimov ABŞ-da müalicə olunduğu xəstəxanada vəfat edib.

Oxşar xəbərlər

Azad Rəhimov dəfn edildi - FOTO

Prezident Azad Rəhimovun vəfatı ilə bağlı nekroloq imzaladı

"Dəfn mərasiminə gəlməməyinizi xahiş edirik" - Nazirin oğlu

Azad Rəhimovun vəziyyəti ağırlaşdı

Voleybol federasiyasında yeni prezident - FOTO