Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində bu gün 1/4 final mərhələsinə start veriləcək.

Sportfm.az xəbər verir ki, Azərbaycan təmsilçilərindən Teymur Rəcəbov bu raundda Maqnus Karlsenlə, Şəhriyar Məmmədyarov isə Alireza Firuzca (FIDE) ilə üz-üzə gələcək.

Məmmədyarov 1/4 final mərhələsindəki ilk görüşünü ağ, Rəcəbov isə qara fiqurlarla oynayacaq. Bu raund iki gün davam edəcək. Qarşılaşmaların ardından qalib müəyyənləşməsə, tay-brek oynanılacaq.

1/4 finalda qarşılaşacaqlar:

Maqnus Karlsen (Norveç) - Teymur Rəcəbov

Şəhriyar Məmmədyarov - Alireza Firuzca (FIDE)

Levon Aronyan (Ermənistan) - Uesli So (ABŞ)

Le Kuanq Lyem (Vyetnam) - Hikaru Nakamura (ABŞ)

Qeyd edək ki, Şəhriyar Məmmədyarov təsnifat mərhələsini 9,5 xalla 3-cü, Teymur Rəcəbov isə 8,5 xalla 8-ci pillədə başa vuraraq, pley-offa vəsiqə qazanıb. Ümumi mükafat fondu 100 000 ABŞ dolları olan turnirə mayın 2-də yekun vurulacaq. Qalib 30 000 ABŞ dolları qazanacaq.

Oxşar xəbərlər

Məmmədyarovdan qələbə, Rəcəbovdan bərabərlik - Çempionlar Turu

Məmmədyarov və Rəcəbov 1/4 finalda - Çempionlar Turu

Məmmədyarov Rəcəbovla üz-üzə - Çempionlar Turu

Şahmatçılarımızdan 3 qələbə, 4 heç-heçə - Çempionlar Turu

Məmmədyarov Aronyana rəqib oldu - Çempionlar Turu